Светалаах Димаҕа эҕэрдэ хоһоон.

                        Сүрэх сүрэххитинэн сөбүлэһэн

                            Сырдык санааны түстээҥҥит,

                        Саха маанылаах ыала дэтэҥҥит

                             Сылаас иэримэ дьиэлэнин.

                   Сир симэҕэ кэриэтэ Света

                   Сүктэр кыыс кийиит дэтэҕин,

                             Суон дурда-хахха кэриэтэ Дима

                   Сайдам уол күтүөт дэтэҕин.

                             Саргылаах уруу киэһээтигэр

                       Сиэттиһэн кэллибит доҕор-атас,

                         Силистээх-мутуктаах уруу-аймах

                             Сулустаах алгыс  этэбит.

                 Сүүрэр-көтөр кэнчээрилээх буолуу

                    Сомоҕолоһон сылдьыҥ,

                    Ситиһии-кыайыы өрөгөйдөөтүн

                    Саҕахтан-саҕахха талаһыҥ.

Хаар барахсан...

Хаар барахсан биһиэхэ

Хас биирдии дьоҥҥо-аймахха,

Харахпытын сымнатар

Хайҕабыл-махтал ылар.

Хаар барахсан сылаас

Халлааннаах салгыҥҥа тахсан,

Хаатыҥкабытын кэтэммит

Хайыһардаан сырсабыт.

Хаар барахсан көстүүлээх

Хаартыскаҕа түһэрэбит,

Халыҥ сымнаҕас суорҕанынан

Хааччыйда олохпутун.

Хаар барахсан абыраллаах

Хатан айылҕа бэлэҕэр

Хатыҥ мас  курдук

Харыстаан убаастыыбыт.

                            Алтынньы ый, 2018 с.