«Уһун олох суолунан» кинигэ Уус Алдан улууһун маҥнайгы тырахтарыыс дьахталларыттан биирдэстэрэ Аммосова Ксения Николаевна олорон ааспыт олоҕун туһунан 100 сааһынан ааҕааччы киэҥ араҥатыгар ананар.

Аммосова ксения Николаевна республика тыатын хаһаайыстыбатынан дьарыктанар биир улахан улууһугар – Уус-Алдаҥҥа төрөөн олоҕун, эдэр сааһын техниканы кытта сибээстээбитэ. Кини ааспыт сүүрбэһис үйэ устатыгар, Саха сирин тыатын хаһаайыстыбатыгар сүҥкэн уларыйыылары илэ көрбүт, тыа хаһаайыстыбатын механизациялааһыҥҥа өр сылларга быһаччы үлэлэспит, бу эйгэҕэ үлэлээбит производство бастыҥын быһыытынан биллэр. Ксения Николаевна бу уустук хайысхаҕа сатабылын, кыаҕын, олоҕун анаабыта.

Улууска Аҕа дойдуну көмүскүүр Улуу сэрии сылларыгар сэриигэ барбыт эр дьону солбуйан тракторга, комбайҥҥа, атын даҕаны тыа хаһаайыстыбатыгар туттуллар техникаҕа үлэлээбит улуус бастакы механизатор кыргыттарыттан биирдэстэрэ буолар.

Аҕа дойду сэриитин, Саха сирин тыатын хаһаайыстыбатын ветерана, Мүрү нэһилиэгин бочуоттаах олохтооҕо, 1947 сылтан Коммунистическай партия чилиэнэ Ксения Николаевна Аммосова аатын кэриэстээн, кини киһи быһыытынан аламаҕай майгытыгар, дэгиттэр талааныгар сүгүрүйэн бу кинигэни суруйарга санаммыттар.

Кинигэҕэ Ксения Николаевна олоҕун сүрүн кэрчиктэрэ, кинини кытта алтыспыт үлэ дьонун, төрөппүт оҕолорун, сиэннэрин, аймахтарын ахтыылара, ветеран ыччакка сэһэнэ суруктара киирдилэр.

«Уһун олох суолунан» кинигэни сиһилии киирэн бу сайтка ааҕаргытыгар                                     

https://e.uacbs.ru/cbselib/kraeved/aboutulus/AmmosovaKN_Usun_oloxsuolunan