«Мындааба» сынньалаҥ киинигэр муус устар 26 күнүгэр Саха автономията төрүттэммитэ 100 сылыгар аналлаах бырааһынньыктааҕы тэрээһиннэр ыытылыннылар. Ол курдук күнүс 16:00 чаастан олохтоох библиотека уонна сынньалаҥ киин тэрийиилэринэн «Связь времен – от начала до наших дней» тэрилтэлэр уонна түмсүүлэр икки ардыларыгар брейн ринг күрэҕэ ыытылынна. Уопсайа күрэххэ 4 хамаанда 4-түү киһилээх кыттыыны ыллылар, Мындааба орто оскуолата, «Кэнчээри», «Күнчээнэ» детсадтар уонна ыччаттар.

 

Бүгүн, муус устар 16 күнүгэр улуустааҕы дьахтар Сүбэтин, «Матери России» общественнай түмсүүтүн ыҥырыытынан Саха автономията 100, Өрөспүүбүлүкэҕэ-Ийэ, улууспутугар Дойдуга бэриниилээх буолуу сылынан, Саха сирин норуоттарын VIII-с спортивнай оонньууларын көрсө 100 км. «Хаалыктаах хаамы» челленжыгар кыттыыны ыллым.

  

   Бу дьыл муус устар 8 күнүгэр Мындааба орто оскуолатын тэрийиитинэн «Бары бииргэ!» улуустааҕы интернаттар икки ардыларыгар ыытыллыбыт күрэх буолан ааста. Күрэххэ уопсайа 6 хамаанда кыттыыны ылла, Лөгөй, Мүрү «Уолан» гимназия, Арылах, Чараҥ, Суотту уонна Мындааба. Сарсыарда 10 чаастан саҕалаан хамаандалар 3 этаптан турар күрэххэ кытыннылар. Тыҥааһыннаах киирсии кэннэ, I миэстэни Мындааба, II миэстэни Суотту уонна III миэстэни Чараҥ хамаандалара буолары ситистилэр. Бары кэлэн кыттыыны ылбыт күрэхтэһээччилэргэ барыларыгар барҕа махтал тылларын тиэрдэбит, чэгиэн буолун!

 

                                                                                      

«Мындааба» сынньалаҥ киинигэр, сааскы маҥнайгы бырааһынньыгынан эҕэрдэлээн тураммыт, доруобуйаларынан хааччахтаах дьоммутугар бырааһынньыктааҕы тэрээһини ыыттыбыт.

Бу киэһээ көрдөөх оонньуулар, музыкальнай эҕэрдэлэр, эҕэрдэ тыллар этилиннилэр. Ыалдьыттарбыт бырааһынньыгынан бэйэ-бэйэлэригэр өйдөбүнньүк бэлэхтэри туттарыстылар.

Күндү дьоммутугар баҕарыахпыт этэ өрүүтүн маннык түмсүүлээх буоларгытыгар, доруобуйаны, дьолу!