Олунньу 13 күнүгэр төрөөбүт тыл, сурук-бичик күнэ бэлиэтэнэр. Бу күн саха чулуу уола, саха алпаабытын төрүттээччи Семен Андреевич Новгородов күн сирин көрбүтэ.

Бу күнү кырачааннарбытыгар эмиэ билиҺиннэрэр сыалтан, «Күнчээнэ» уҺуйааныгар оҕолорго саха тылын, суругун-бичигин күнүн, саха тылын алпаабытын төрүттээччи Семен Андреевич Новгородов туҺунан, уҺуйаан оҕолоругар анаан сахалыы кинигэлэри билиҺиннэрдим. УҺуйааммыт иитиллээччилэрэ төрүт тыл туҺунан хоҺоон ааҕан доргуттулар, саха норуотун ырыаларын күпсүүр доҕуҺуолунан толордулар.

«Мындааба» сынньалаҥ киинигэр «Ийэ тыл – омук төрдө» диэн Ийэ тыл, сурук-бичик күнүгэр аналлаах тэрээҺин олунньу 13 күнүгэр ыытылынна. тэрээҺин үөрүүлээх аҺыллыытыгар Баатаҕай олоҥхоҺута П.Н. Наумов-Намыын «Күн Ньургун» олоҥхотуттан быҺа тардыыны Иван Карпов, биллиилээх чабырҕахсыт Екатерина Местникова «Хараҥаҕа» чабырҕаҕын Матрена Готовцева толордулар, Матрена Заболоцкая, Айаал Вырдылин ырыанан эҕэрдэлээтилэр.

Олохтоох библиотекарь Наталья Портнягина бэлэмнээбит «Өркөн өй» оонньуу ыытылынна. Оонньуу түмүгэр Матрена Заболоцкая уонна Ирина Дьяконова хамаандалара кыайыылаах буолла.

Быйыл 12-с төгүлүн ыытыллар «Сахалыы дьыктаан» өрөспүүбүлүкэтээҕи акцияҕа кытынныбыт.