Улуу Кыайыы өрөгөйдөөх 77 сылын көрсө, Р.Н. Дьяконов аатынан Мындаабатааҕы "Кинилэр кыайыыны уһансыбыттара" скверга тыыннаах саллааттары чиэстээн, өлбүттэри кэриэстээн "Өйдөбүнньүк уота" акция тэрээһинэ ыытылынна.

Бу күн Мүрү нэһилиэгин дьаһалтатын баһылыга Аммосов Василий Иванович, Мүрү нэһилиэгин дьаһалтатын кылаабынай специалиһа Шепелев С.П., "Эйгэ" бэтэрээн сэбиэтин бэрэссэдээтэлэ Неустроева Е.И., Мындааба орто оскуолатын директоры иитэр үлэҕэ солбуйааччы Охлопков С.И. уонна кэнэҕэски ыччаттар ааттарыттан Мындааба орто оскуолатын 10 кылааһын үөрэнээччитэ Портнягин Арсен тыл эттилэр.

Тэрээһин "Советскай Союз геройа Владимир Лонгиновка" И.К.Кривошапкин хоһоонунан саҕаланна, хоһоону Мындааба орто оскуолатын 10 кылааһын үөрэнээччитэ Портнягин Тимур аахта. "Сыдьаайа" вокальнай ансаамбыла, Мындааба орто оскуолатын 10 кылааһын үөрэнээччилэрэ музыкальнай эҕэрдэлэрин тиэртилэр. Сэрии сылларыгар бэйэлэрин олохторун олук уурбут буойуттары кэриэстээн өйдөбүнньүк уота Кыайыы  77 сылынан  сыыппыраларга уурулунна. Тэрээһин кыайыы салютунан түмүктэннэ.