Ыам ыйын 8 күнүгэр, Кыайыы бырааһынньыгынан кырдьаҕастарга аналлаах бырааһынньыктааҕы тэрээһин ыытылынна. Бу киэһээ ирэ-хоро кэпсэтэн, урукку кэми санаһан, бэйэ-бэйэлэрин эҕэрдэлэһэн бэрт истиҥ күн ааста. Араас оонньууларга оонньоотулар, үҥкүү-битии буолла. Уйгулаана, Кыыдаана Бочкаревалар, Иван Прибылых, Владимир Егоров сэмэй музыкальнай эҕэрдэлэрин тиэртилэр.

Тэрээһин түмүгэр биир дойдулаахпыт, поэт С.С. Васильев-Борогонскай 115 сааһынан «Поэт баҕалара», «Киһи» хоһооннору күргүөмүнэн аахтылар, ону тэҥэ оһуокай этилиннэ.

Убаастыыр дьоммутугар чэгиэн доруобуйаны, уһун дьоллоох олоҕу баҕарабыт!