«Мындааба» сынньалаҥ киинигэр муус устар 26 күнүгэр Саха автономията төрүттэммитэ 100 сылыгар аналлаах бырааһынньыктааҕы тэрээһиннэр ыытылыннылар. Ол курдук күнүс 16:00 чаастан олохтоох библиотека уонна сынньалаҥ киин тэрийиилэринэн «Связь времен – от начала до наших дней» тэрилтэлэр уонна түмсүүлэр икки ардыларыгар брейн ринг күрэҕэ ыытылынна. Уопсайа күрэххэ 4 хамаанда 4-түү киһилээх кыттыыны ыллылар, Мындааба орто оскуолата, «Кэнчээри», «Күнчээнэ» детсадтар уонна ыччаттар.

 

Хамаандалар ааттарын, хапытааннарын талыналларыттан күрэх саҕаланна. Уопсайа биэс түһүмэхтэн турар күрэххэ күрэхтэстилэр. Тыҥааһыннаахтык киирсии кэннэ 1 миэстэни «Күнчээнэ» детсад, 2 миэстэ «Саһарҕа» (оскуола), 3 миэстэ «Кэнчээри» детсад уонна 4-с миэстэни ыччат хамаандата буолары ситистилэр.

Бары кыттыыны ылбыт тэрилтэ үлэһиттэригэр, ыччат кыргыттарга барҕа махтал тылларын тиэрдэбит.